زاوية موسيقية: فيروز – سمعنا

كلمات وألحان: الأخوين رحباني

سْمعْنا سْمعْنا .. شو شو سْمعْنا؟

سْمعْنا حَكِي ما في إلُو مَعْنَى

سْمعْنا بإنّو عَهدِنا تْغَيَّرْ

وما عاد رَحْ يحكي الحلُو مَعْنا

قصّة زَعَل عم تنْحَكَى وتنْقالْ

ويتْغامَزُوا عَ حَكْيِها العِزّالْ

ما عاد بَدُّو يزورْنا وْشُو قالْ

قال الهَوَى ما عاد يِجْمَعْنا

شو يا حلو زعلان منّا كِيفْ

ومْنَعْرِفُو قلْبَك وَفِي ونْضيفْ

وما دام ما في بَينِنَا تكليفْ

عالقليلِة امْروق وَدِّعْنا

صِرنا غرب نحنا اللّي كنّا قرابْ

وأحباب ما في مِتْلِنا أحبابْ

لَعْيونَك قْطَفْنا زُهُور الغابْ

وبُوابْنا للحُبّ شَرَّعْنا

بُكرا بترضى والهَنَا بيتمّ

وبترجع تْقَطّف وَرد وتشمّ

لولا زْعلتْ ورْجعتْ شو بيهمّ

نحنا زعلنا كتير ورجعنا