بالسما المجد لألله

تأليف جوزف صقر

بالسما المجد لألله وعالأرض بكل الأزمان

ضوّى هالدنيي كلّا الكلمة اللي صارت انسان

ربّ السما الأرض الكون تواضع حتى ينجينا

يا يسوع رجاع من هون نورك وحدو بيكفينا

بليلة برد وتحت التلج بديت كل الخبريّي

يسوع انولد والمرج تلوّن حولو غنّيي

ربّي اسمك القدوس يسوع الفادي الجايي

بحبك قلبي محروس وحبك كل الحكايي

النجمة الرعيان المجوس عن حبك بتخبّرنا

عنا بعّدت الكابوس الخطيّي الـ بتختيرنا

والمغارة صارت قصة انزرعت بالقلب خبارا

كيف بدّو يعرف الغصّة اللي قلبو صار مغارة

طهارة قلب الرعيان ودّت دربن لعندك

نعموا بدفا الايمان اللي عم يدفق من حبك

مرّة تاني يا يسوع دربك تمرق من عنا

غرقت دنيتنا بدموع الخوف رجاع وطمنّا

مريم عليك السلام يا ام اللي فوق العقل

جبريل وصّلك سلام وصرت ام لأجمل طفل

عنا يا عدرا صلّي ليسوع رب الأنام

حتى الأحزان تولّي وعالأرض يحلّ السلام